الفنان عادل الفار:  "الوسط غدار ومحدش بيسأل عليا"

متابعات: أعرب الفنان عادل الفار عن حزنه بسبب عدم سؤال أصدقائه عنه، وذلك خلال لقاءه مع الفنان إدوارد، حينما حل ضيفًا على برنامجه " القاهرة اليوم".
وقال الفار، "الأول كان الكل بيسأل دلوقتي محدش بيسأل عليا"، مضيفًا، "صحابي من الوسط خالد عجاج ومصطفى قمر وهشام عباس، دلوقتي محدش بيسأل عليا، خالد عجاج بتصل بيه مبيردش فبزعل جدًا، وأتصل بيه تاني يرد ويقولي واحشني طيب لو أنا واحشك يا عم رد عليا".
وأضاف، "حسيت إن الوسط ده غدار لأن قبل كدا كان كله بيسأل عليا، وكله عايزيني، لما كبرت الدنيا مبقتش حلوة، وبقولهم لازم يبقى ود وحب وتواصل ونسأل على بعض ونشوف لو حد عنده مشكلة نحالهاله".
واختتم عادل الفار حديثه بقوله،  "أنا بحبكم أوي ومش هسيبكم وهعمل شغل جديد، ويا زمايلي اسألوا عليا".
يشار إلى أن عادل الفار ظهر مؤخرًا في مسلسل "الفتوة"، الذي قام ببطولته الفنان ياسر جلال، وعرض في الموسم الرمضاني السابق.