كل واشرب
والبس واطلع
واسهر واسكر
إسكر بكاسين من دم شهيد
وف آخر الليل اكتب إعلان
إنك بتندد وبتشجب
واتلقح مدِّد في سريرك
واتوسد جثة طفل شهيد
واقفل تلفازك علي صورته
واتغطي ونام
واحلم بصاروخ
نازل من سقف الأوضة عليك
هاتقوم مفزوع
هاتحس بايه؟
هاتحس بجوع؟
طب عندك نص شهيد قوم حَرْمِش
مصمص عضمُه
طعمُه لذيذ؟
عايز تشرب؟
عندك دم شهيد متلقح
إيه.. ما شبعتش؟
عندك غيره كتير ياللا اشرب
وارفع ايدك فوق واتمطع
ثم اتكرع
طلبت ايه؟
طلبت نوم!
أعجبني
تعليق